Семейде Абайдың шығармашылығын орындаған америкалықтар жұртты тамсандырды
Абай шығармашылығына америкалық жас музыканттар қызығушылық танытуда. Семейге келген «Humming House» тобы ұлы ақынның әндерінің әуенін орындап жергілікті жұртты тамсандырды.
Автор: Ұлан Нұрахмет
23.02.2018
Шетелдік жас өнерпаздар аспаптарына ұлы Абайдың екі әнін бас-аяғы бірнеше сағаттың ішінде салып алған екен. Енді олар мұны өздерінің топтамаларына қосып, АҚШ-та да орындамақ ниетте. Бұлар жергілікті жас музыканттарға шеберлік сағатын өткізген сәтте шырқап берді. Топ мүшелері құрылғанан бергі жеті жылдың ішінде қанша елді араласақ та, дәл рухани жағынан Қазақстаннан асқан бай елді көрмегенін айтады. Қазақ жеріне алғаш рет келген олар келешекте Абай шығармашылығымен толық танысуды жөн санап отыр.
Джастин Вайд, музыкант (АҚШ)
-Біз Абай шығармашылығына ерекше ден қойдық. Ол бізге бірден ұнады. Осылайша, жергілікті студенттердің қолдауымен әнді аспаптарға салып алдық. Мұны Алматы мен Астанада да орындаймыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
