Мати Алавер, жаттықтырушы:

- Алексей алтын алады деп жоспарлаған едік. Тактикадан шатастық! Маған жалақыны кімнің төлегенін біліп алған соң сосын жылдық айлығымды өздеріне қайтарып беремін.

Мати Алавер «Алексей медаль алмаса, осы маусымдағы барлық айлығымды қайтарамын» деп өзі аузынан қағылды. Сенген спортшысы кешегі 50-шақырымдық жарыста 15-ші боп, мәреге әрең жетті. Салдарынан,  Полтораниннан медаль күткен мыңдаған жанкүйердің еңсесі түсіп қалды. Есесіне, қоладан бөлек, Қазақстанның қанжығасы Алавердің бір жылдық айлығына майланғалы тұр. Оңтүстік Кореядан қайтып келген соң бас бапкер былтырдан бастап тапқан табысын түгел қайтарып бермек. Ал алтыннан үмітті болған Полторанин болса, жарыстан соң тілшілермен тілдесуден бас тартты. Оның орнына сөйлеген бапкер «Алейсей асықпағанда, үшінші орын алар еді» деп қалды. Айтуынша, шаңғышы бірінші айналымда тым ширақ қимылдап, салдарынан шешуші сәтте шаршаңқырап қалды. Алайда, мақтаулы спортшы үшінші орын тұрмақ, үздік ондыққа да ене алмады. Жалпы, Алавердің бәстестен ұтылуы бірінші емес. Эстония құрамасын жаттықтырып жүргенде спортшысы -Андрус Ваэрпалу допинг қолданған жоқ деп бәстесіп, ақыры басшылық қызметінен кетіп тынған болатын. Кеше жабылған ақ ойындарда Қазақстан фристайлшы Юлия Галышева жеңіп алған қола медальмен 28 -ші орында тұрақтады.      

Бізді Youtubе-та қараңыз! Бізді Facebook-та, Instagram-да, Telegram-да оқыңыз!