Жантүршіктірерлік оқиға жұма күні Ордабасы ауданына қарасты Шұбарсу ауылында болған. Бір үйден екі өлік шығарылды. Мұнда 27 жастағы жігіт туған анасы мен келіншегіне пышақ салған. Шешесі 52-де болса, жарының жасы 22-де екен. Ет жақындарын өлтірген тұрғынды көрші-қолаңы тек жақсы жағынан білетінбіз деп таңғалып отыр. Бірақ, бейнекамераға ешқайсысы сөйлегісі жоқ.

- Түсінікті. Мүмкін, отбасында бір кикілжің болған шығар? Туыстары не дейді?

Туыстары да камераға айтқысы жоқ. Бірақ қарапайым ғана отбасы болатын дейді. Әкесі мен ұлы осы Шұбарсу ауылында электр маманы болып жұмыс істеп жүрген. Жақындарын жайратқан жігітті ішпейтін-шекпейтін еді деген туыстары оны сол күні полицейлер әкеткенін айтады. Ал оның артында 5 жарым айлық нәрестесі қалды. Қазір, бөбек нағашыларының қолында. Құзырлы органдар бұл оқиға бойынша әлі тіс жарған жоқ. Алайда, азғындыққа барған азамат жат діннің жетегінде кетуі мүмкін деген сыбыс бар. Ет жақындарын өлтіретіндей не күн туғанын ішкі істер органдары таяу күндері айтады деп үміттенеміз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!