Петропавлда ең үлкен мейрамханалардың бірі өртенді
Қызыл жалын әп-сәтте үш қабатты ғимараттың шатырын жалмады. Абырой болғанда, адамдар зардап шеккен жоқ.
Автор: Гүлмира Тасболатқызы
01.03.2018
Өрт кешкі сағат алтылар шамасында тұтанған. Төтенше жағдай мамандары келіп жеткенде, ғимараттың шатыры жанып жатыр екен. Қызыл жалынды ауыздықтауға шаһардың барлық өрт сөндірушілері жұмылдырылды. Мейрамханада жұмыс істейтін он адам сыртқа шығарылды. Сондай- ақ ғимарат жанында балабақшаның орналасуы жағдайды ушықтырды. Тәрбиешілер бүлдіршіндердің ата-аналарына хабарласып, сәбилерін тезірек алып кетуін сұраған.
Евгений Журавлев, СҚО ТЖД баспасөз хатшысы:
-Егер от күш алып кеткенде біздің ғимаратты сақтап қалуымыз неғайбыл еді. Қайта өрт туралы хабар дер кезінде жеткен. От шатырдың астынан тұтанғандықтан, қысқа тұйықталу болуы мүмкін деген жорамал жасап отырмыз. Бұл сараптама арқылы анықталады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
