Ал нақ Сирия мен Ирак аумағынан бүгінге дейін 125 адам Қазақстанға қайтарылған. Олардың 57-сі сотталып та үлгеріпті. Қалғандары солардың жұбайлары мен балалары. Кәмелет жасына толмағандардың өзі 40-тан асады. Қазіргі уақытта барлығымен діни сенімін түзету бағытында ағарту жұмыстары жүргізіліп жатыр екен. Ал ел ішінде діни экстремизм және терроризммен күресу үшін алдағы 4 жылға 270 миллиард теңге жұмсалмақ.

Жанат Сайполдаев, ҚР ҰҚК терроризмге қарсы орталығы штабының бастығы:

-5 жылдың ішінде 38 экстремистік актілердің жолы кесілді. Террористік қауіптілігіне арнайы жұмыстар жүргізіп, бүгінгі таңда әсер ету дайындылығы ұлғайтылды. Қазіргі таңда қаржылардың 99 пайызы терроризмге қарсы бөлімшелердің заманауи техникамен және қару-жарақпен жабдықтауға арналған.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!