-Депутаттар қолдаған келісімде АҚШ  Ақтау мен Құрық арқылы Ауғанстанға арнайы жүк тасиды деп жазылған. Ол қандай тауар? Сыртқы істер министрі контейнерлерде нақты не болатындығын  айтты ма?

Әбдірахманов әзірге коммерциялық контейнерлерде қандай тауар болатынын өзім де білмеймін деп отыр. Бірақ, қару-жарақ , әскери зат емес екені анық дейді министр. Негізі, АҚШ бұған дейін де еліміз арқылы темір жолмен Ауғанстанға тауар тасып келген. Мәселен, 8 жылда 13 мыңнан астам тонна зат  тасымалданыпты. Енді Америка Үкіметі транзиттік бағытты кеңейтуді сұрап отыр. Яғни, АҚШ Ақтау мен Құрық порттарын пайдаланып, Әзірбайжан территориясындағы тауарды Сарыағаш-Келес немесе Бейнеу-Қарақалпақстан  темір жол станциясы арқылы Өзбекстанға әрі қарай Ауғанстанға жеткізбек.  Айта кету керек, контейнерлерді амеркиалықтардың өзі алып өтеді.

Қайрат Әбдірахманов, ҚР Сыртқы істер министрі:

-Қосылған персонал болса, өздерінің ғана жүкті тасымалдауды қамтамасыз ететіт адам болады. Олардың біздің жерімізде ешқандай шығатын болса, ешқандай ерекше иммунитеттері болмайды. Өйткені, жеріміздегі тәртіп ұлттық заңнамаға сәйкес болады. Өзіміздің азаматтар қатысу көзделмеген.

Еліміз ауғанстанға тұрақты түрде әлеуметтік көмек көрсетіп келеді. Сыртқыт істер министрінің айтуынша, Қазақстан қанды қырғын болып жатқан елге аурухана, мектеп, көпір салуға қаржы бөлген.

Қайрат Әбдірахманов, ҚР Сыртқы істер министрі:

-Қазақстанның жоғары оқу орындарында 1000 астам ауған жастары білім алған болатын. оған кезінде біздің Үкімет 50 миллион АҚШ доллар ретінде қаржы бөлген болатын Сонымен қата,  қазір біз БҰҰ тұрақты емес мүшесі ретінде  осы елдің дамытуына үлкен орасан үлесімізді қосып жатырмыз.

Америка мен Қазақстан арасындағы тауар транзитіне қатысты келісім жайлы толығырақ кешкі 18-30 қорытынды жаңалықтарда айтайын.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!