Астанада былтыр күзде өз курстасын пышақтап өлтірген курсантқа қатысты үкім шықты

Петропавлдағы Ұлтық Ұлан әскери институтының бұрынғы курсанты Фархат Тілектесов 11 жылын темір  тордың ар жағында өткізетін. Бұл оқиға былтыр күзде болған еді. Шекісіп қалған екеу даладағы дәретхананың жанына барып төбелескен. Фархат Тілектесов өзімен үш жыл бірге оқыған  Ғалымжан Тұрсынға тура көкбауырдың  тұсынан пышақ  сұққан. Соның салдарынан 19 жасар шымкенттік жігіт сол жерде көз жұмды. «Кісі өлтіру» бабы бойынша қозғалған қылмыстық іс жарты жыл бойы тергеліп, әскери сот оны 11 жылға бас бостандығынан айырды.