Астанада кранның құлауына не себеп болған?

Астанада құрылыс алаңында кранның құлауына не  себеп болғанын  полицейлер  анықтап жатыр.Оқыс оқиғадан 29 жастағы   краншы ауыр жараланып, ауруханаға жеткізілгенімен, жанын алып қалу мүмкін болмады.  Алдын-ала болжам бойынша,  апатқа қуатты жел себеп болуы мүмкін. Салынып жатқан биік ғимарат «Ақ Дидар» деп аталатын тұрғын үй кешені екен. Ал темір кран соның іргесінде әлі  сұлап жатыр. Оны ешкім орнынан қозғамаған. Апаттың жәй-жапсарын анықтайтын комиссия 10 күннің ішінде қорытындысын айту керек. Ал адам өлген құрылыс алаңында жұмыс сол күйі тоқтамаған.