Яғни, Владимир Рогозный ауылдасы Баржақсы Жәмішев есімді азаматты 2-де шырт ұйқысынан оятып, машинасына мінгізіп алып кеткен. Араларында қандай кикілжің болғаны белгісіз, кейін Жәмішев көліктен секіріп кетіпті. 47 жастағы әлгі азамат ес-түссіз күйінде ауруханадан бір-ақ шыққан. 6 күн комада жатқан ол тура наурыздың 22-сіне қайтыс болды. Курскідегі әкімдік қызметін 1 жыл ғана атқарған Рогозный сол түні өзінің жеке автокөлігімен жүріпті. Бір айта кетерлік жайт, ол бұған дейін мас күйінде машина тізгіндегені үшін жүргізушілік құқығынан айрылған-ды. Соған қарамастан қызметін жалғастырған ол осы жолы да удай мас болыпты. Қазір оған қатысты ішіп алып көлік айдау және біреуді өзіне-өзі өлтіруге итермелеу баптары бойынша қылмыстық іс қозғалып отыр. Тәртіптік кеңес мүшелері әкімді қызметінен кетіру туралы ұсынысты қолдады. Осы Ақмола облысында бұған дейін де Қорғалжын ауылдық аймағының әкімі Жанат Омаровтың 14 жастағы оқушыны ұрғаны үшін қызметінен кеткенін айта кетейік.

Әлібек Баймағамбетов, Мемлекеттік басқару академиясы Ақмола облысы бойынша филиалының директоры:

-Бұл кадрларды басқару жүйесінің осалдығынан. Әкім деген ауылдағы маңызды тұлға емес пе? Аудан басшысы тарапынан да, депутаттар тарапынан да жіберілген қателік. Бұған дейін де заң бұзса, ол неге әлі әкім болып істеп жүр?

Бізді Youtubе-та қараңыз! Бізді Facebook-та, Instagram-да, Telegram-да оқыңыз!