Алматыда екінші халықаралық Ballet Globe фестивалі басталды. Биыл бұл шараға Франция, Швейцария және Ресейдің ең мыңты балет майталмандары қатысуда.

Алматыдағы опера және балет театрына бұрын-соңды мұншалықты көп әлемдік жұлдыз жиналмаған еді. Фестивальдің мақсаты да сол - үздіктердің басын қосып, тәжірибе алмасу. Шара былтыр бірінші рет ұйымдастырылғанда алматылықтарды классикалық қойылымдармен қуантса,  биыл замануаи би үлгілері contemporary-балет көрсетіледі. Сондай-ақ екінші халықаралық фестиваль Мариус Петипаның 200 жылдығына орайластырылып отыр. Екі ғасыр бұрын өмір сүрген талант иесі орыс балетінің негізін қалаған және оның шығармалары әлем өнерінің жауһары саналады.  Тұңғыш президент қорының қолдауымен өтіп жатқан шара наурыздың 27-сі мен 29-ы аралында өтеді. Шара аясында көрме ұйымдастырылып, еліміздің жас өнерпаздары шетелдік майталмандардан сабақ алады.

Гүлнар Ершіманова Тұңғыш президент қорының жобалар бойынша үйлестірушісі:

-Керемет бір жоба Ballet Globe халықаралық шығармашылық фестивалі біздің болашақ ұрпаққа, жастарға, қазақстандықтарға биік өнерге бір қадам басуға мүмкіндік.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!