Қырғызстан Ұлттық қауіпсіздік комитеті жуырда осы іс бойынша өзге күдіктілерді тергеу жұмыстарын аяқтаған. Міне, соның қорытындысы Бабановтың жақтастарымен қоса сайлаудың әділ өтпегенін желеу етіп, арам пиғылын жүзеге асырғысы келгенін көрсетіпті-мыс. Құзырлы орын күдіктінің ізіне саяси додадан кейін де түскен. Ол кезде конституциялық құрылымды күшпен өзгертуге тырысты деген кінә тағылған болатын. Экс-премьер-министр қазір Қырғызстан аумағында емес. Десе де, саяси айыптаудан кейін, әлеуметтік желіде дереу мәлімдеме жасады. Онда Бабанов ешқандай заң бұзушылыққа бармадым дейді. Керісінше, сайлау қорытындысына қарсы болған xалықты басыпты. «Республика-Ата жұрт» партиясының төрағасы былтырғы президенттікке таласта Сооронбай Жээнбековтің басты қарсыласы болғанын еске салайық. Оны халықтың 34 пайызы қолдаған.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!