Аурухана алдына жиналған туыстары таңертең нақ балмұздақтан уланған 60-қа жуық деп еді. Алайда, дәрігерлер мұны жоққа шығарған еді. Дегенмен, түстен кейін елдің әңгімесі ақиқатқа көбірек келетін болып шықты. Келеңсіз жәйтті басынан баяндасам.

Уланғандардың барлығы тәттіні қала орталығындағы құйылмалы балмұздақ сататын бір дәмханадан алған. Бірақ, балмұздақтан ләззат алмақ түгілі дәм татқандар оны жеп болмай-ақ өздерін нашар сезініп, іші өтіп , қызулары көтеріліпті. Көпшілігі жедел-жәрдемді үйіне жеткен соң ғана шақырса, кейбірін тіпті көшеден-ақ алып кетіпті. Аурухана алдына жиналған жұрт уланғандардың көпшілігі жеткіншектер дейді.

Қалмахан Ерментаев, Шымкент қаласының тұрғыны:

-Менде 4 адам. Қызым, қарындасым, әпкемнің қызы, қарындасымның қызы. Қарағандыдан келген қонақтар еді.  Оншақты балмұздақ  алған. Сол жерден жеген. Бірақ, дәмі нашар болғанын байқаған. Бірақ жеген, көбісі жолда лақтырып жіберген.  Сонымен, арты үйге келіп мазасызданып, қызғындай бастады. 

Абдыраған жұрт ауруханада бірден орын табылмай науқастар дәлізде жатып қалды деп шу шығарған болатын. Алайда дәрігерлер орын жеткілікті деп отыр. Түске дейін сұхбат берген шымкенттік дәрігерлер екі күнде ауруханаға түскендер саны дейін 39 деген еді. Олардың он сегізі әлі кәмілет жасына жетпегендер деп еді. Бірақ, денсаулық сақтау министрлігі мүлдем басқа цифрларды айтып жатыр.

Берік Шәріп, ҚР ДСМ қоғамдық денсаулық сақтау комитеті төрағасының орынбасары:

-29-шы наурыздың түнінен бастап 30-шы наурызға дейін 61 науқас шағымданды. Алдын ала диагноз бойынша ол жедел тамақ инфекциясы, ішек инфекциясы және тамақ токсикоинфекциясы. Жалпы, 61 адамның 20-сы үйге амбулаториялық жіберілді. Ал, 41 науқас стационарлық емдеу алып жатыр. Оның арасында 20 бала.

- Ауруханаға ұшынып түскендер саны 20-ға жеткен соң дәрігерлер СЭС мамандарына хабар жеткізіп, құйылмалы балмұздақ сататын дәмхана жанындағы өзге орындармен қосып жабылған. СЭС мамандары мен ішкі істер органдары бұл жерде тексеру жүргізуде. Министрліктің айтуынша балмұздақ үйде жасалынған екен. Және санитарлық ережелерді бұзған.  Қазір, осы жәйт бойынша арнайы құрылған комиссия тексеріс жүргізіп жатыр. Тағайындалған сараптамалардың қортындысы келесі апта белгілі болмақшы. Сондай-ақ министрлік өзге балмұздақ сататын нүктелерді тексермейміз деп отыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!