«Кел, келінім!» КТК-да жаңа реалити шоу басталмақ
КТК-ның көктемгі тартуы! Арнамыз Қазақстанда бұрын-соңды болмаған реалити-шоу ұсынбақ. «Кел, келінім!» деп аталатын жаңа жоба дүйсенбіден бастап көрсетіледі.
Автор: Нұргүл Нұрланқызы
03.04.2018
Бұл сұр бойдақтар мен тұрмыс құрмаған бойжеткендер алаңы. Бір ерекшелігі, қалыңдықты серілер анасымен бірге таңдайды. Қатал іріктеуден 4 күйеу жігіт өткен. Енді олардың өмірлік жары атану үшін қыздар жағы өзара бақ сынаспақ. «Кел, келінімге» бақытын іздеп келген бойжеткен санында есеп жоқ. Алайда, болашақ енелердің көңілін тапқан 8 ару ғана жобаны әрі қарай жалғастырады. Соның арасынан бойдақтар жүрек қалауын тауып, арты тойға ұласуы тиіс. Жаңа реалити-шоу дүйсенбі-жұма аралығында күндізгі сағат 3-тен 6-ға дейін көрсетіледі. Ал, қыз таңдай келген серілер мен олардың аналары кімдер?! Қатысушылармен бүгіннен бастап таныс бола аласыздар. Ол үшін 17:20-да бағдарламаның күнделігін көріңіздер.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
