Алматыдағы Достық даңғылы адам танымастай өзгермек
Көшенің қалай құбылатыны бұған дейін құпия болып келген еді. Қайта құру жобасы бүгін ғана желіде пайда болған.
05.04.2018
Құрылысшылар көшені түбегейлі жаңартуды көздеп отыр. Бірінші кезекте кептеліспен күреспек. Достық - Медеу мен Шымбұлаққа апаратын жол. Әрі Көктебеге де осы көше арқылы көтеріледі. Мұнда «Қазақстан» қонақүйі мен әйгілі Республика сарайы да орналасқан. Сондықтан, көше бойымен туристер де, қала тұрғындары да көп жүреді. Сәйкесінше, көлік және жаяу жүргіншілер қозғалысы ретке келтірілмек. Тұрақ тапшылығын да жою қажет. Жарнама тақтайшалары мен жол белігелері бірыңғайланады. Даңғылдағы бүкіл ғимаратты бір архитектуралық стильге көшіру жоспарланған. Әрі Достықты дұрыстап көгалдандыру қолға алынғалы жатыр. Жасыл желектер санитарлық мақсатта ғана кесіледі. Мұның бәрі халыққа ыңғайлы болуы үшін жасалады. Сол себепті, тұрғындар қайта құру жайлы өз ойларын арнайы сайтта жеткізсе болады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
