Атырау облысынан Сирияға қанша бала аттанған?
70-ке жуық бала соғыс даласында жүр! Бұл – Атырау облысынан ата-аналарымен бірге Сирияға аттанған балалардың саны. Олардың отыздан астамы әлі 6-ға да толмаған. Мұндай ақпаратты Атырау облыстық дін істері басқармасы таратып отыр.
Автор: Жанар Низамутдинова
05.04.2018
Сирия асқан кішкентай атыраулықтардың нақты саны 67-і көрінеді. Олардың екеуі сол жақта жүргенде кәмелет жасына толған. Ал, балалардың 34-і мектеп жасында болса, 31-і балабақшаға бару керек екен. Жалпы Сириядағы соғыс басталғалы бері Атыраудан ол жаққа 54 адам аттанған . Олардың көпшілігі – әйелдер. Араларында түгелдей отбасымен шекара асқандар да жетерлік: мұндайлардың саны – 12. Сондай-ақ, дін істері басқармасындағылар шетелге діни білім алу үшін кеткен 10 студентті елге қайтардық деп отыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
