Дәстүрлі іс-шараға қатысу үшін, үміткерлер «Notka.kz» сайтына ән айтқан бейнежазбасын жүктей алады. Ал клип камераға немесе телефонға түсіріліп, 256 мегабайттан аспауы керек. Байқауға 8 бен 12 жас аралығындағы балалар қатыса алады. Орындаушы кез келген тілде қалаған жанрда 2 - 3 ән үзіндісін фонограммасыз орындап, уақытын 3 минуттан асырмауы тиіс. Ал, жеңімпаз әйгілі Диснейлендке жолдама алады және Қазақстандағы беделді музыкалық оқу орнында білім алу грантына ие болады. Айта кетейік, байқау Тұңғыш Президент қоры мен Мәдениет және спорт министрлігі қолдауымен өткізілмек. Ән байқауының барысын 27-қазаннан бастап әр сенбі сайын КТК арнасынан тамашалауға болады. Ал жеңімпаз 8-желтоқсанда Астанада «Қазақстан» орталық концерт залында өтетін финалдық бәсекеде анықталмақ.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!