Оңай олжаға қол жеткізген 48 және 34 жастағы күдіктілер қаладан ұзап кете алмады. Олар қария полицияға қоңырау шалғанан кейін 3 сағаттың ішінде қолға түсті. Екі бейтаныс әйел ардагердің үйіне бал сатып жүргендерін айтып кірген. Қарт адамды әңгімеге тартып, тіпті қолдарынан ем жасау да келетінін айтыпты. Ал қария олардан ем-дом алуға келісіп, тіпті төлейтін ақшасының қайда тұрғанына дейін көрсетіпті. Аз ғана уақыттың ішінде, біреуі «тіл- көзден» емдеп жатқанда, екінші әйел ақшаны ұрлап үлгерген. Гаврилин миллионнан аса теңгенің жоқ екенін олар кеткеннен кейін бір-ақ біліпті. Қазір ақша ардагердің өзіне табыс етілді. Күдіктілер қамауда отыр.

Николай Гаврилин, зардап шегуші:

-Көп сөйлестік. Өздері әңгімешіл екен. Алдап тұрғандарын қайдан білейін. Бұл менің олай-бұлай болып кетсем, рәсімдерге жаратылар деп зейнетақымнан жинаған қаражатым ғой.  Жалғыз тұрамын. Әйтеуір, полиция   тез тауып алды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!