Валюта бағамы: Теңгенің нығаюынан не күтеміз?
Бүгін доллардың бағамына алаңдап отырғандар үшін де жағымды жаңалық бар. Таңертеңнен бері теңге тиындап болса да қайта нығая бастады. Бұған дейін долларға шаққанда 10 теңгеге құлдыраған төл ақшамыз бүгін 1 теңге 27 тиынға өсті.
Автор: Досжан Маратұлы
12.04.2018
Яғни, KASE-дегі кешкі сауданың нәтижесі мынадай:
АҚШ ақшасы сәл арзандап, 329 теңге 61 тиынға тұрақтады. Ал, еуро 408 теңге 25 тиын, рубль – 5 теңге 24 тиынға тең. Ал, валюта айырбастау орталықтарындағы баға сәл өзгеше. Мұнда доллар 330-332 теңгеден сатылуда. Ал, бұған дейін Ұлттық банк төрағасы теңгенің құлдырауын уақытша деп айтып, жеңіл пайданы көздегендеге бұлай жасамауға кеңес берген еді. Ақышевтың айтуынша, Ресейге салынған санкция теңгеге тікелей әсер етпейді. Өйткені, төл ақшамыз ең алдымен қарқынды өсіп жатқан мұнай бағасына тәуелді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
