Мемлекет басшысының ауқымды бағдарламасы осыдан тура бір жыл бұрын жарияланған. Оны жүзеге асыру барысында алты бағыты айқындалды. «Туған жер», «Қазақстанның қасиетті географиясы», «Қазақстанның 100 жаңа есімі» және басқа да жобалар халық арасында кең насихатталды. Солардың ішінде қазақ тілін латын қарпіне көшіру жұрт назарын аударған ерекше жоба болды. Былтыр қазан айында Президент Жарлығымен бекітілген жаңа әліпби 2025 жылға дейін кезең-кезеңімен енгізілу керек. Бүгінде оны оқыту әдімтемелері де жасалған. Тіл ғалымдарының айтуынша, қазір тіліміздің айтылу, жазылуында өрескел қателіктер бар. Жаңа әліпби сол олқылықтардан арылтады деген сенімде.

Ерден Қажыбек, А. Байтұрсынов атындағы тіл білімі институтының директоры:

-Қазіргі кезде бізде енді екі есе аз дыбыс болса, әріптеріміз екі есе көп. Біздің қазақтың ережелерінен екі есе көп ереже бар тілімізде. Біздің грамматикамыз орыс тілінен көшірілген грамматика. Сондықтан қазір өзіміздің тіліміздің нұсқасына, бір тілдің заңдылықтарына бағыну керек қазақ тілі.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!