Оқыс оқиға: Астанада асфальт опырылып қалды

Астанада қозғалысы көп Есілдің сол жағалауында асфальт опырылып қалды. Тіпті, көлік көп жүретін көшеде бірнеше метрге терең шұңқыр пайда болып, жүргізушілерді әуреге салуда. Айтматов көшесінде болған оқыс жағдайға, жол астындағы су құбырының жарылуы себеп. Жоғыры тығыздықпен атқылаған су тас жолды тас-талқан еткен. Сондықтан мұнда көлік қозғалысы да тоқтатылып, кейбір автобустардың бағыттары өзгерді. Қазір коммуналшылар, құбырды қалпына келтіруде. Әзірге  жол қозғалысы қашан жанданатыны белгісіз.