Астанада тендерді саудаға салған лауазымды шенеунік сотта жауап беріп жатыр
Астанада Инвестиция және даму министрлігінің бұрынғы лауазымды қызметкеріне қатысты сот басталды. Геология және жер қойнауын пайдалану комитетінің экс-басшысы Базарбай Нұрабаевқа қызметін асыра пайдаланды, ірі көлемде пара алды деген айып тағылған.
Автор: Досжан Маратұлы
16.04.2018
Әрі онымен қоса тағы 12 адам сот алдында жауап беруде. Олар Нұрабаевтың орынбасарлары мен бөлім басшылары тіпті сыныптасына дейін бар. Тергеу мәліметтеріне қарағанда, бұлар қылмыстық топ құрып, экс-төрағаға жүйелі түрде бума-бума ақша тасыған. Ал, параны Нұрабаев еліміздің қазба байлықтарын зерттеп, игеруге тендер ұтып беру үшін кәсіпкерлерден алып отырған. Сөйтіп, ауызбастырық ретінде берілген қымбат көлік пен пәтерлерді санамағанда 30 миллион теңгені қалтаға басыпты. Айта кетейік, атышулы комитет төрағасы былтыр наурыз айында кезекті пара 6 миллион теңгені алып жатқанда қолға түскен болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
