ТИМУР СҮЛЕЙМЕНОВ, ҚР ҰЛТТЫҚ ЭКОНОМИКА МИНИСТРІ:

-Алдыңызға екі мәселемен келіп отырмын. Біріншісі ағымдағы жылдың бірінші тоқсанының қорытындылары мен атқарған жұмыстар. Екінші Ресей Федерациясына қарсы қойылған санкциялар және олардың біздің экономикамызға тигізетін ықпалы туралы.

Тимур Сүлейменовты мұқият тыңдаған Елбасы министрге қаржы нарығындағы тұрақтылықты сақтауға тапсырма берді. Өйткені, Ақ үйдің Кремльге салған санкциясынан соң еліміздің төл валютасы құлдырағаны белгілі. Оның үстіне ресми Вашингтон Мәскеуді кезекті рет экономикалық қыспаққа алғалы жатыр. Сондықтан Сүлейменовке жүктелген шаруа көп. Әрі президент бес әлеуметтік бастама мен мемлекеттік бағдарламаларды уақтылы іске асыруға министрдің жауапты екенін қатаң ескертті.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!