Пулитцер сыйлығының биылғы лауреаттары кімдер?
Пулитцер сыйлығының биылғы лауреаттары анықталды. Жыл сайын 21 аталыммен табысталатын бәсі жоғары марапатты иеленгендердің арасында рэпер Кедирк Ламар бар. Музыка саласы бойынша «DAMN» альбомымен бағы жанған оған, ән мәтіндерінде афроамерикалықтардың тұрмысын шынайы суреттеген деп баға берілген.
Автор: Мақсат Мәлік
17.04.2018
Сондай-ақ, журналистика саласы бойынша Нью Йорк Таймс және Вашингтон Пост газеттері де Пулитцер сыйлығының иегері атанды. Бұл басылымдар Дональд Трамптың президенттік сайлау компаниясы мен Ресейдің байланысы жөніндегі мақалалары үшін көзге түскен. Ал, халықаралық репортаж аталымы бойынша Рейтер агенттігі үздік болды. Айта кетейік, журналистика, әдебиет, драматургия, тарих және музыка саласы бойынша тағайындалған Пулитцер сыйлығының негізі 1917 жылдан бастау алады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
