Астаналық іскер әйелдер бір күнге бизнестерін тоқтатып, құда күтті
Және халқымыздың өзге де салт-дәстүрін еске алды. Кәсіпкер қыз-келіншектер осылай жылда сәуірде Наурызды тойлау арқылы арқаға асықпай келетін көктемді шақырады екен.
Автор: Жәудір Оразхан
19.04.2018
Ләззат Сүлеймен, Президент жанындағы әйелдер ісі жөніндегі ұлттық комиссия төрайымының орынбасары:
-Бұл еліміздегі ең мықты, іскер әйелдер ассоциациясының шарасы жыл сайын Наурыз мерекесі тойланып отырады. Ең бастысы - Наурыздың негізгі құндылықтары насихатталады бұл жерде. Ол - адалдық, мейірімділік, кешірім, тазалық. Ұрпақтар сабақтастығы жүзеге асырылады.
Бизнесвумендер ұлы тойды құда күту салтымен бастады. Астанада жүрген шетелдік дипломаттарды шақырып, шетінен құйрық-бауыр асатты. Және өз қолдарымен ұзатылған қыздың жасауын тіккен. Үлкендері жас келінмен бірге келетін көрпе-төсекті таныстырды. Ән салып, би билеген соң ақсақалдың ақ батасын алды. Қазақстанның іскер әйелдер қауымдастығына мүше қыз-келіншектер түгел ұлттық нақышта киінген. Сондықтан нәзік жандардың үстіндегі қосетек көйлек, камзол, сәукеле мен әшекейлеріне дейін сайысқа түсті.
Әнел Қобаева, кәсіпкер:
-Мен ұлттық нақыштағы кәдесыйлар жасап, сатамын. Отандық бұйымдарды топтастырып, дүкен-галерея аштық. Көбіне ауылдардағы ұсталардың еңбегін жұртқа таныстыруға көмектесеміз. Біз қолөнерге өте бай халықпыз. Сондықтан, шетелден келген қонақтар құр қол кетпеу керек.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
