Жолаушылардың қалтасына қол жүгірткен тәртіп сақшыларының әрекеті бастапқыда елді таңқалдырғанды. Шу шығарған тұрғындарды полицейлер құжатын көрсетіп әрең дегенде тыныштандырды. Сөйтсе, оралдық сақшылар осылайша ұры-қарыдан қалай сақтану керектігін үйретпек болған екен. Автобуста сақтық сабағын өткізгендер ұрылар жиі қолданатын небір айланы көрсетті. Айтуларынша, қоғамдық көліктерде сұғанақтар көбейген. Салдарынан, соңғы бір айда ғана 118 адам оңбай опық жеген екен. Ұрылар олардың қалта телефоны мен ақшаларын үптеп әкеткен. Сондықтан «азаматтар сақ болсын деп амалсыздан ұры болдық» дейді тәртіп сақшылары.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!