Жамбылда шаруаларға бөлінген субсидияны қалтаға басқан шенеуніктің әрекеті әшкере болды
Шу аудандық ауыл шаруашылығы бөлімінің басшысы мемлекеттің миллиондарын отбасылық бизнесіне аударып жіберген.
Автор: Руслан Әбдіхалық
19.04.2018
Бүтін бір ауданға үкіметтен жеңілдік есебінде бөлінетін қаражаттың басым бөлігін тек бір ғана атқамінер жамбасына басып отырыпты. Тіпті ол ақша игерудің ерекше әдісін меңгерген. Яғни, ауылшаруашылығы бөлімінің басшысы Самат Сейдахметов субсидияны тек өз туыстарына ғана үлестіріпті. Анығы, бөлінген көл-көсір қаражатты әйелі мен баласы, келіні мен ағасының атына қожалықтар ашып, солардың есеп-шотына түсіріп келген. Осындай жымысқы әрекеті арқылы ол қазынаға екі жыл ішінде 160 млн. теңге шығын келтірді. Қазір құлқыны кең шенеунікке қатысты қылмыстық іс қозғалып, тергеу жүргізілуде.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
