Оның қалай жүзеге асатынын дәл қазір студиямен тікелей байланысқа шыққан тілшіміз айтып берсін. Қайырлы күн Досжан! Сонымен қылмыстық карта несімен пайдалы?

-Иә,оның пайдасы көп дейді прокурорлар. Карта елді-мекендердің, көшелердің атауын қарауға емес қылмыстардың санын көруге арналған.

Яғни, карта міне мынадай. Кез-келген қаланы жақындатып көрсек, ауданда, көшеде қанша және қандай қылмыстардың орын алғанын байқауға болады. Мәселен, бас қаламыз Астананың қартасында ұсақ заңбұзушылықтардан бастап түрлі қанды қылмыстарға дейін жазылған. 

БАҒДАТ МУСИН, ҚР БАС ПРОКУРАТУРАСЫНЫҢ ҚҰҚЫҚТЫҚ СТАТИСТИКА ЖӘНЕ АРНАЙЫ ЕСЕПКЕ АЛУ КОМИЕТЕТІНІҢ ТӨРАҒАСЫ:

-Қауіпті жер картада қызыл түспен боялған. Мәселен, Елордада Артем базарының маңында жыл басынан бері көп қылмыс болыпты. Өйткені, бұл жерде адам көп жүреді. Еліміздің барлық қаласы мен аудан орталықтарындағы криминалдық ахуалды осылай қарауға болады.

Яғни, осы картадағы қауіпті аймақтар кейін қатаң бақылауға алынбақ. Көбірек камера қойылады, тәртіпті бақылайтын сақшылардың саны артады. Құзырлы орындар осы арқылы қылмыспен күресеміз деп сендіріп отыр.  Әрі картадан жол апаты жиі болатын көше қиылыстарын, қалалар мен облдыстарды да аңғаруға болады. Мәселен, қызылмен боялған Алматы және Оңтүстік қазақстан облыстарында апат ең көп тіркелген.

ЕРЛАН ТҰРҒЫМБАЕВ, ҚР ІШКІ ІСТЕР МИНИСТРІНІҢ ОРЫНБАСАРЫ:

-Жол апаты жиі байқалатын жерлерге өзгеріс енгізу керек. Сөйтіп, көлік соқтығысының алдын алуға болады. Порталда полиция бөлімдері, арыз жазу, арызды тексеру сынды қосымша қызмет түрлері бар.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!