Ақ фургон тізгіндеген жігіт кенеттен жаяу жүргіншілер жолына шығып, өз жөнімен бара жатқан адамдарды жаппай таптай бастаған. Салдарынан, 10 адам ажал құшты. Тағы 15 тұрғын ауыр жарақаттанды. Көше бойын қан жоса қылған күдікті бірден қарасын батырған. Алайда, алысқа ұзап кете алмады. Оны қанға боялған көлігі арқылы полицейлер лезде тауып алды. Қаскөйдің нені көксегені әзірге белгісіз. Сондықтан, жергілікті билік болған жайтты «теракт» деп атаудан әзірге аулақ боп отыр. Ал 10 адамды жайратып салған күдіктінің есімі - Алек Минасян. 25 жастағы күдікті жергілікті колледждердің бірінде студент екен.  

Бізді Youtubе-та қараңыз! Бізді Facebook-та, Instagram-да, Telegram-да оқыңыз!