Теңге бағамы қалай өзгеріп жатыр?

Теңге қайта нығая бастады. Бүгін ұлттық валютамыз долларға шаққанда 325,80 болды. Күн санап бір теңгеге құны артып келеді.  КАSE дегі таңғы сауда қорытындысы бойынша бүгін ең төменгі баға 325,30 ды көрсеткен. Жалпы сауда 186 миллион доллардан асты. Дәл қазір ақша айырбастау орындарында америка валютасы 324-327,8 аралығында саудалануда. Бұл Brent маркалы мұнайдың қымбаттауымен тікелей байланысты десек  те  болады. Қазір қара алтының баррелі 75 долларға жуықтап қалған.  Мұндай баға  соңғы рет 2014 жылы тіркеліпті.