Мына видеолардағы көрініс адам шошырлықтай. Жұлынған шатыр жерге құлап, адамдарға қауіп төндірген. Мәселен, мына жеңіл көлікті белгісіз жақтан жел қуып келген шатыр басып қалыпты. Қауіпті дер кезінде байқаған үш адам, есігі ашық машинаға кіріп үлгерген. Бірақ бұл төбе жабындысының қандай нысанға тиесілі екені белгісіз. Ал төтенше жағдайлар қызметі шаһарда тек бір ғана көп қабатты үйдің шатырына зақым келген деп мәлімдеді. Кешегі дүлей дауылдың зардабы әлі жойыла қойған жоқ. Жарық қосылғанымен, кей көшелерде бағдаршамдар істемей тұр. Сондай-ақ, құлаған ағаштар мен шашылған бұталар жиналып біткен жоқ.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!