32 жастағы Мейрамгүл Өтепбергенова тоғыз ай көтерген бөбегін бір күн де болса бауырына басып үлгермеген. Жатырда жатып тұншыққан шақалаққа дәрігерлер дем салғанымен, ақыры жансақтау бөлімінде шетінеп кетеді. Жас босанған ана жүктілік кезінде денсаулығының еш сыр бермегінін айтады. Қаншама рет қан тапсырып, тексеруден де өткен.

Мейрамгүл Өтепбергенова, Ақтөбе қаласының тұрғыны:    

-Анализ дұрыс, скрининг бойынша 3 УЗИ өттім, оның алдында  39 апта болғанда тағы УЗИ істеттім, өзім үшін. Бәрі дұрыс, бүйрегі , өкпесі,  аяқ-қолы, басы баланың- бәрі сәйкес келіп тұрды. Туылғанда да салмағы 3 келі  428  , бойы  54 см. Жетіліп тұрған бала ғой енді

Келіншек толғағы қысып, перзентханаға түскенде жатырының ауырғанын айтып дәрігерлерден көмек сұраған. Бірақ олар тура бір тәулік өтпей босандыра алмайтынын айтыпты. Өйткені денсаулық сақтау министрлігі бекіткен бұйрық солай.

Мейрамгүл Өтепбергенова, Ақтөбе қаласының тұрғыны:    

-Суымның түсі өзгере бастағанын байқадым. Медбикелер ондай  болады деді. Қаншама бала өлу керек статистика бойынша, сол протоколды өзгерту үшін?

Ал, перзентханадағылар өздеріне шаң жуытар емес. Олар керсінше келіншекті кінәлап отыр.

Дариға Осмағанбетова, Қарғалы қалалық ауруханасы босандыру бөлімінің меңгерушісі:

-Созылмалы гипоксия болған балада аяғы ауыр кезінде кезінде. Тізімде тұрған, дәрігерлерге қаралған. Анализдері жақсыболмады. Дәретінде  лейкоцитоз болды.

-Толғағы қысқан келіншекті 24 сағатқа толтырмай ерте тудыруға тыйым салынған. Ол осы ережені қарастыратын хаттаманы денсаулық сақтау министрлігіндегілер осыдан төрт жыл бұрын қабылдапты. Сол құжатқа сәйкес суы кеткен әйел бір тәулік ішінде өзі босана алмаса ғана дәрігерлер басқа шара қолдана алады. Бірақ көп жағдайда, әсіресе, сәбидің аман туылуы үшін көмек беруге тым кеш болады екен.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!