Оралда аңқасы кепкен жұртқа әрең дегенде ауыз су берілді
Себебі, жер асты құбырының апатқа ұшырауынан 4 күн бойы 70 мың адамға уақытпен су беріліп, үлгермегендері сатып ішуге мәжбүр болған еді.
Автор: Мақсат Мәлік
04.05.2018
Алтынбек Қайсағалиев, Орал қаласы әкімінің орынбасары:
-Бүгінгі күні 70 метр жерде тұрған апат толықтай қалпына келтірілді. Су берілді. Қазылған шұңқырды қалпына клетіру жұмыстары екі-үші күннің ішінде бітеді деп ойлаймыз.
Орал халқын сусыз қалдырған құбыр 2009 жылы төселген екен. Бірақ, 50 жылға төтеп беруі тиіс құбыр он жыл өтпей сыр берді. Алғашында құбырдың топырақпен басылып, жаншылып қалғанын сылтау еткен құзырлы орындар, апаттың нақты себебін айтпаған еді. Сөйтсе, жер астындағы су желілері әйнек пластиктен жүргізілген болып шықты. Енді 70 метр құбырмен 4 күн алысқан шенділер, болашақта 11 шақырым құбырды ауыстыру керек деп отыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
