Алматыда өрт сөндірушілер оқу-жаттығу өткізді
Алматыда оқыс жағдай! Республикалық қан орталығы ғимаратынан өрт шығып, 200-ге жуық адам қызыл жалын құрсауында қалды.
Автор: Аруна Ортай
10.05.2018
Осындай сценарий желісімен елдегі үлкен медициналық мекемелердің бірінде арнайы оқу-жаттығу өтті. Нақтырақ айтқанда, 200-ге жуық адам бір сәтте өртпен бетпе-бет келіп, одан аман-есен шығудың амалын жасады. Орталыққа қан тапсыруға келгендер де, ондағы дәрігерлер де айғай-сүреңге салмай, отқа оранған ғимараттан аман шықты. Ал өрт құрсауында қалып кеткендерін құтқарушылар әп-сәтте шығарып алды. Негізі республикалық қан орталығына күнделікті келетін кісі көп. Одан қалды, таптырмас қан ресурсы да осында. Сол себепті де, өртке қарсы оқу-жаттығу мұнда жиі өтіп тұрады екен.
Санжар Раисов, Республикалық қан орталығы директоры орынбасары:
- Өздеріңіз куә болдыңыздар, өрт шыққанда ең бастысы дүрлікпеу керек. Тәртіпке сай іс-қимылдар жасаса, бәрі аман қалады. Бұл әрине тек жаттығу. Бірақ, өрт шыға қалғанда да біздің қызметкерлер ережені ұмытпайды деп сенем.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
