Оңтүстікте дінінен адасқан бір топ жігіт қамауға алынды

Оңтүстік Қазақстан облысында экстремизмге қатысы болуы мүмкін деген күдікпен бір топ адам ұсталды. Бұл үшін бір мезгілде бірнеше ауданда арнайы операция жүргізілген. Ұлттық қауіпсіздік комитетінің өкілдері мен полицейлер бірігіп өткізген операция кезінде 8 адам қолға түсті. Тергеу материалдарына қарағанда, олар аудио және бейнежазбалар арқылы экстремистік идеологияны ашық насихаттаған. Белгілісі  - күдіктілер қазір тергеу абақтысында қамалған. Оларға «әлеуметтік, ұлттық, діни алауыздықты қоздырды» деген айып тағылып, сотқа дейінгі тергеу амалдары жүргізілуде.