Оқиға қаладағы ең ірі –Мұхтар Әуезов атындағы Оңтүстік Қазақстан мемлекеттік университетінде болған. Деканатта іс жүргізуші болып қызмет істейтін келіншектің сол күні туған күні болыпты. Әдеттегідей жұмыс істеп жүрген кезінде ашуға булығып келген күйеуі дәлізде қосағына 5 мәрте пышақпен соққы жасаған. 41 жастағы әйел есін жимастан ауруханаға барар жолда көз жұмды. Марқұмның артында кәмелет жасына толмаған баласы қалды. Оқу орнының өкілдері болған оқиға бойынша тіс жармайды. Ал, бұрын Шымкенттегі Абай аудандық прокуратурасында қызмет істеп, кейін Түркістан қаласында прокурордың көмекшісі болған қаскөй бірден қамауға алынды. Кезінде сотталушыларға айып таққан Қанат Исақұлының өзі енді 15 жылға бас бостандығынан айырылуы мүмкін.  

Бізді Youtubе-та қараңыз! Бізді Facebook-та, Instagram-да, Telegram-да оқыңыз!