Германияда Qazaq Banki акционері Бақыт Ибрагим ұсталды
Ішкі істер министрлігі Qazaq банкінің ірі акционері Бақыт Ибрагимнің ұсталғанын растады. Ұлттық интерпол бюросының жолдаған сұранысына сай, немістер оны сәуірдің 23-і күні ұстаған. Қазақстан қор биржасының мәліметіне сенсек, Бақыт Жасұзақұлы қазіргі уақытта банк акцияларының 10,55 пайызына соған тиесілі. Өзі де былтырға дейін осы қаржы ұйымын басқарып келген.
Автор: Ербол Тұрымбет
15.05.2018
Qazaq банкі өткен айда Елбасының сынына ұшыраған үш банктің бірі болатын. 2013-2016 жылдар аралығында таратқан несиелері қайтарылмай, былтыр қаржы институты табыстан қағыла бастаған. Ал сәуірдің 28-і күні Ұлттық банк онда жеке тұлғалар үшін есепшоттар мен депозиттер ашуды екі айға шектеп тастады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
