Маңғыстауда асыққан жүргізуші тепловозбен соқтығысып тынды
«Камаз» тізгіндеген азамат жақындап қалған тіркеменің алдынан өтіп кетпек болған. Алайда ойы жүзеге аспай қалды. Жүйіткіген тепловоз алдынан шыққан жүк көлігінің бүйірінен соғып, бірталай жерге дейін сүйретіп әкетті. Оқиға Құрық порты мен Ерсай теміржол өткелінде болған. Абырой болғанда, асыққан жүргізші аман қалды. Полиция апатқа «Камаз» жүргізушісі кінәлі деп отыр. Өйткені, теміржол тұсында «Тоқта!» белгісі толып тұр. Ол аздай, тепловоз да бірнеше рет белгі берген көрінеді. Енді өз өмірін қауіпке тіккен азаматқа қатысты тергеу басталды.
Автор: Аруна Ортай
28.05.2018
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
