Ең қауіпті сауда орталықтары қай қалада?
Елімізде 35 ірі сауда орталығы жабылуы мүмкін. Өйткені кісі қарасы көп келетін нысандарда өрт қауіпсіздігі ережесі мүлдем сақталмайды екен. Және адам өміріне қауіп төндірген ғимараттардың көбісі Алматы мен Астанада орналасқан.
Автор: Ербол Тұрымбет
28.05.2018
Жалпы еліміздегі аумағы мың жарым шаршы метрден асатын барлығы бір мың екі жүзден астам сауда орны тексеріліп, 15 мыңнан аса ережебұзушылық анықталған. Қожайындарына 19 миллион теңге айыппұл салыныпты. Бірақ, араларында ескертуді пысқырмағандары да жетерлік екен. Оларға Ресейдің Кемер облысындағы сауда орталығында 64 адамның тірідей жанып кетуі де сабақ болар емес. Енді бір мезетте 35 сауда орталығының есігіне қара құлып салынуы мүмкін. Оның 24-і Алматыда, 9-ы Астанада орналасқан екен. Қазіргі уақытта оларға қатысты әкімшілік іс қозғап, оны сотқа жіберіп қойыпты.
Юрий Ильин, Төтенше жағдайлар комитетінің төрағасы:
-Сот шешімі бойынша, біз заңды тұлғаның дәрежесіне қарай 200 мыңнан миллион теңгеге дейін айыппұл сала аламыз. Тіпті, үш айға жауып тастауымыз да мүмкін. Бірақ, оны сот шешеді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
