Сұмдық оқиға кеше Щучье қаласына кіре берісте болды. Бұл кезде минивеннің ішінде жүргізушіден бөлек 7 адам отырыпты. 48 және 28 жастағы екі азамат оқиға орнында, ал 60 жастағы әйел жедел жәрдем көлігінде жан тапсырды. Осы апат салдарынан түрлі жарақат алған 4 адам қазір Бурабай аудандық ауруханасында жатыр. Олардың бірі – 50 жастағы әйел жансақтау бөлімінде. Дәрігерлер оның миы шайқалып, бұғанасы, 3 қабырғасы сынған, көкбауыры езілген деп отыр. Ал 53 жастағы жүргізуші дін аман. Оның қанынан алкоголь табылмаған. Жеке көлігімен жолаушы тасымалдап, такси қызметін көрсетіп жүрген астаналық азамат уақытша қамау абақтысына жабылды. Қайғылы оқиғаға қар жауғаннан кейінгі көктайғақ себеп болуы мүмкін.    

Бізді Youtubе-та қараңыз! Бізді Facebook-та, Instagram-да, Telegram-да оқыңыз!