Елімізде АИ-80-ді өндіру мүлдем тоқтатылмақ
Үкімет АИ-80 маркалы бензиннің бағасын бақылаудан бас тартпақ. Энергетика министрлігі октан саны ең төмен жанармайды еркін айналымға жібермекші.
Автор: Жәудір Оразхан
29.05.2018
Яғни, бағаны бұдан-былай нарықтың өзі реттейді. Бірақ жанармайдың бұл түріне онсызда сұраныс аз. Тек АИ-80 ГАЗ, УАЗ сынды ескі темір тұлпарлар, әскери көліктерге ғана құяды және тұрғынүй-коммуналдық шаруашылығы пайдаланады. Оның үстіне тапсырыспен ғана. Ал кейбір пысықай кәсіпкерлер арзан АИ-80 маркалы бензинді жұрт жиі тұтынатын АИ-92 –мен араластырып сататын көрінеді. Сондықтан Энергетика министрлігі еліміздегі мұнай өңдеу зауыттары толық іске қосылған соң, АИ-80 өндіру мүлдем тоқтатқалы жатыр.
Сәтжан Кәрімов, Энергетика министрілгі Мұнай өнеркәсібінін дамыту департаменті басшысының орынбасары:
-АИ-80 тек әскери бөлімшелердің арнайы тапсырысы бойынша ғана өндіреміз. Қазір онсыз да бұл марканы отандық зауыттар шығармайды. 1-қаңтардан бастап жанармай бекетерінде сатылмайды. Себебі, оның сапасы экологиялық талапқа сай келмейді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
