Роза Өтегенова, Астана қалалық балалар жұқпалы аурулар ауруханасы бас дәрігерінің орынбасары:

- Баланың жағдайы ауыр болып есептеледі. Баланы аурухананың жансақтау бөліміне жатқыздық.

Баланың ауруханаға жеткізілген сәттегі температурасы 38 градустан асып кетіпті. Қазіргі уақытта онымен жақын қарым-қатынаста болған 14 адам дәрігерлердің бақылауына алынған. Бесеуі отбасы мүшелері болса, қалған тоғызы бассейінде бірге шомылған адамдар. Дәрігерлердің айтуынша, ұл бала бір айдан астам уақыт бойы Алматыда болып, бір апта бұрын ғана оралған екен. Сонда жүргенде менингитпен ауыратын адаммен байланыста болғаны анықталыпты. Ел аумағында биылдыққа осы аурудан 8 адам көз жұмған. Тағы бір екі жарым жасар қыз бала екі күн бұрын Талдықорғанда шетінеп кетті. Аурудан сақтану үшін еліміздің бас санитары Жандарбек Бекшин тұрғындарды ақылы екпе алып, бетперде тағып жүруге шақырып отыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!