Наталья Годунова, Есеп комитетінің төрағасы:

-Біз министрліктегі түрлі  зерттеулер мен халықаралық сарапшыларға жұмсалған бюджет қаржысын тексердік. Бір-біріне ұқсайтын зерттеулердің құны   әртүрлі болып шықты, кейбірі 60 есе қымбат. 

Мұны естіген депутаттар министрге жан-жақтан  тап берді. Өйткені, Қаржы министрлігі пайыздық өсіммен қыруар  қарыз алып, мамандарын оқытқан,  дөңгелек үстел өткізген және шетелден сарапшы шақыруға жұмсаған. Негізі бұл ақша  су құбырын тартуға, мектептерге материалдық көмек көрсетуге, ауруханалардың қажеттілігіне жұмсалу керек екен.

Нұрлан Нығматулин, Мәжіліс төрағасы:

-Министрлікте маман жетеді. Жоқ, сіздер міндетті түрде жоғары пайызбен қарыз алып, халықаралық сарапшы шақыру керексіздер. Кейін ол берешекті   қалай қайтарасыздар? Бақыт Тұрлыханұлы, қызметкерлеріңіздің жұмысын өзіңізден артық кім бағалай алады?

Бізді Youtubе-та қараңыз! Бізді Facebook-та, Instagram-да, Telegram-да оқыңыз!