-Бұл "Қытай халық жиналыс үйі". Әлемдегі ең үлкен Тян Ен Мэнь алаңында орналасқан ғимаратта биліктегі коммунистік партияның барлық сьезді өтеді, түрлі халықаралық маңызды келісімдер жасалады. Бір сөзбен айтқанда басты саяси нысан. Қытай төрағасы Си Зиң Пин,  Қазақстан Президентін  өзінің резиденциясында емес, дәл осы тарихи сарайда  карсы алуды жөн көріпті.

Бұл әрине халықаралық протоколға салсақ, айрықша құрметтің белгісі. Ал,  мемлекеттік сапармен келген президент Нұрсұлтан Назарбаевтың жұмыс кестесі өте тығыз. Түнде әуежайға келген бірден осында бет алды.  Сүліктей кара көліктен түскен әріптесін, Си Зиң Пиннің өзі шығып, күтіп алды. 

Тура бір жыл көріспеген мемлекет басшылары қол алысып амандасқан соң, салтанатты қарауыл сап түзеп, әскери оркестр екі елдің әнұранын әуелетті. Зеңбіректен оқ атылып, Бейжіңді жаңғыртты. Ал, протоколда бекітілген ресми шаралар аяқталған соң, тараптар  кеңейтілген құрамда кездесу өткізді. Мұнда Елбасы алдымен әріптесін Қытай төрағасы болып қайта сайлануымен құттықтады.

НҰРСҰЛТАН НАЗАРБАЕВ, ҚАЗАҚСТАН РЕСПУБЛИКАСЫНЫҢ ПРЕЗИДЕНТІ:

-Как многоопытный политик я хочу вас поддержать и поздравить. Это очень правильно. С теплотой вспоминаю нашу встречу прошлогоднюю в Астане и наши плодотворные переговоры которые может двухосторонее выгодны. Но для Казахстана это огромная поддержка со всех сторон.

Елбасы  Қытайдың жай көрші ғана емес, Қазақ елінің экономикасына қыруар инвестиция құйып отырған,  маңызды серіктесі екенін айтты. Жалпы, қазақ-қытай ынтымақтастығының арқасында құны 67 миллиард долларды  құрайтын 127 маңызды жоба іске асырылған. Төраға Си Зиңпин де ресми Астананы стратегиялық сенімді дос екенін айтып ағынан жарылды. Қытай тарапы әсіресе, қазақтың мұнайы мен астығына ықылас танытып отыр.

СИ ЗИҢПИН: ҚЫТАЙ ХАЛЫҚ РЕСПУБЛИКАСЫНЫҢ ТӨРАҒАСЫ:

-Қазақстан біздің көрші ғана емес, өңіраралық ықпалды державалардың бірі. Ұзақ жылға жалғасқан қарым-қатынасымыз өзгелерге үлгі боларлықтай. Біз сіздермен даму жолында бірге жұмыс істеуге үнемі дайынбыз.

Бұдан соң тараптар екі жақты маңызды келісімдерге қол қойды. Шекарадан радиоактивті қауіпті заттардың заңсыз тасымалдануына карсы күрес,  электронды сауда және өзге де салалар бойынша ынтымақтастықты көздейтін құжаттар. Қысқасы уағдаластықтар іске асса, қазақ-қытай арасында сауда-саттық қазіргіден де артып,  инвестиция көлемі көбеюі тиіс. йтылмады. Елбасының мемлекеттік сапары әлі жалғасады. Ертең президент Бейжіңдегі  әлдемге танымал бизнес өкілдерімен кездеспек.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!