​Ақтөбеде қымбат бутиктен төстартқыш ұрлаған ерекек іздестіріліп жатыр

Әйелдердің ішкиімін қолды қылған сәті бейнебақылау камерасына түсіп қалған. Онда жігіт дүкенге кірген бойда қызыл түсті төстартқыштың бір бумасына көзі түседі. Алдымен саудагерлердің іште жоғын тексеріп, одан соң қолын созады. Әйел киімін ұрлап, оқиға орнынан бірден зыта жөнелген. Бірақ қылмысының таспаға түсіп қалғанын әсте, білмесе керек. Бұл ролик әлеуметтік желіде де қызу талқыланып жатыр.  Бірі бұны ерсі әрекете көрсе, екіншілері тіпті сүйіктісіне сыйламақ келген болар деп ақтап әлек.