Тендермен алысып, дәрі-дәрмектен таршылық көріп жүрген науқас балалардың ата-аналары министр Елжан Біртановтың бұл шешімі жығылғанға жұдырық болды деп ашынады. Себебі, ем қонбайтын дерттің зардабы қорқынышты. Денесі жарақат алса, қаны ұйымайтын сырқаттар өліп кетуі де мүмкін. Оларға тек қымбат препарат көмектесе алады. Ерекше бақылауды қажет ететін науқастарға гемофилиядан хабары аз терапевт-дәрігерлер дер кезінде ем-дом көрсетпек түгілі, препараттардың атауын білмейді дейді наразы науқстар. Жалпы, елімізде осы дертпен ауыратын 344 бала, 841 ересек адам бар екен.

Тамара РЫБАЛОВА «Гемофилияға шалдыққан мүгедектер» қауымдастығының президенті:

-Емдеу сапасы нашарлап кетті. Дәрігерлердің біліктілігі туралы сөз қозғаудің өзі қорқынышты. Бұл ауруды білмейтін емханадағы терапевт дәрігер науқастың жағдайын ушықтырмаса, жақсартады деп айта алмаймын. Министрлікке бізді алаңдататын мәселелерді жіпке тізіп, хат жаздық. Бірақ үміттен гөрі күдігіміз басым. Себебі, министрлікте гемотолог мамандар жоқ. Бұл дегеніміз олар бізді түсінбейді.Мысалы, басқасын айтпағанда препараттың жетіспеушілігі әлі күнге дейін шешімін таппады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!