Сабыр Сүлейманов, Алматы қаласының тұрғыны:

-Таңғы сегізден өте көршілер айқайлай бастады. Бастапқыда ештеңе түсінген жоқпыз. Кейін үйіміздің өртеніп жатқанын сездік. Сосын алды-артымызға қарамай далаға жүгірдік. 
 

Сөйтсе, жалын нысанның шатырынан шығыпты. Оқиға орнына құтқарушылар дереу жетіп, әйтеуір от төменгі қабаттарға тарап үлгермеген. Сол кезде нысанның ішінде 100-ге жуық адам болған екен. Олар да дін аман. Үйден шыққан қою қара түтінді көрген кей тұрғындар әбден қорқып қалыпты. Куәгерлердің сөзінше, төтенше жағдайға электр сымдарының қысқа тұйықталуы себеп болған. Ал, нақты себебін анықтауға мамандар кірісті. Тілсіз жау аз уақыттың ішінде 190 шаршы метр аумақты күлге айналдырды.

Сандуғаш Баймұхамбетова, Алматы қаласы ТЖД ресми өкілі:

- Шатыр ағаштан және тағы басқа құралдардан жасалған.  Ортасы ашық болғандықтан, ауа кіріп ауа қысымы, сондықтан тезірек таралу орын алған.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!