Алматылық түлекті тарихтан қойылған сұрақ грантсыз қалдырды
Алматыда тест қорытындысымен келіспеген түлектер бүгін таң атысымен жауаптарының көшірмесін құшақтап, апелляциялық комиссияға жаппай шағым түсіріп жатыр. Тест сұрақтарының дұрыстығына күмән келтіргендердің саны көп.
Автор: Cымбат Ғалымбекұлы
21.06.2018
Алып шаҺарда алғашқы күні тестті 569 түлек тапсырып шыққан еді. Тиісті балдарын ала алмаған олар бір жыл дайынлалған сұрақтарымыздың 50 пайызы жаңартылған деп налиды. Салы суға кеткен мектеп бітірушілер тексеруші комиссия балл қосып бере ме деген үмітпен аппелияциялық комиссия алдында жүр. Бірі жауаптарын тексеріп жүрсе, енді бірі комиссия мүшелеріне қисынсыз сауалдарды дәлелдей алмай әлек. Қабағы қатулы ұл-қыздар бір балл болса да қорғап қалудың амалын іздеуде. Жалпы, тест қорытындысына қапалы түлек жетерлік. Солардың бірі - «Алтын белгіге» бітірген Аружан Салауат. Тарих пәнінен келген сұраққа оқушы түгілі мұғалімнің өзі жауап бере алмайды деп қынжылады.
Аружан САЛАУАТ талапкер:
-Жул әулетінің тарихы байланысты сұрақ. Еңбекте қандай қаңлылардың байланысы түзілді деген сұрақ мен үшін өте қиын болды. Апайдан сұрадым. Апай да ол сұрақтың жауабын білмейді екен. Грантқа балым жетпей қалды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
