Алматыда көлігімен көпірге соғылған жүргізуші тіл тартпай кетті

Түнде Алматыдағы жан түршігерлік жол апатына 27 жастағы жігіт қаза тапты. Марқұм тізгіндеген Toyota  теміржол көпірінің тіреуіне барып соғылған. Көліктің қатты ұрылғаны сонша, ол ортасынан қақ бөлінді. Ал, жүргізушісі жедел жәрдем келмей жатып көз жұмған. Оның қасында отырған  жас қыз болса, қазір ауруханада тым ауыр хәлде жатыр. Марқұм белгісіз себептермен рөлге ие бола алмай қалған дейді сақшылар. Тас-талқаны шыққан көліктен екеуін шығару да қиынға соғыпты. Қайта оқиға орнына тез арада өрт сөндірушілер келіп, жол апатының өртке ұласуына жол бермеді.