Солтүстікте тағы балық қырылып жатыр

Солтүстік Қазақстан облысындағы көлдердің бірінде балық жаппай қырылып жатыр. Айыртау ауданында Жақсы-Жалғызтау көлінің жағасына шыққан өлі балықтар бірнеше шақырымға шашылған.     Бір қызығы, бұл көлде балықтың оншақты түрі мекендегенімен,  қырғын тек алабұғаның шабақтарына ғана тиген. Тұрғындар жағадан 83 келі өлі балық жинап алыпты. Оның аз бөлігін мамандар сараптамаға алып, қалғанының көзін жойған. Сынама нәтижесі әлі белгісіз болса да, тұрғындар бұған егіс алқаптарына қолданылатын химикаттардың кесірі тиді ме дейді.