Щучьеде 21 жастағы жігіт өзін- өзі өлтіремін деп жұрттың зәресін алды
Бұл ойын іске асыру үшін ол 9 қабатты тұрғын үйлердің бірінің шатырына шығып алған. Оқиға куәгерлерінің айтуынша, өмірден түңілген Илья есімді бұл жігіт ішімдік ішкен екен. Арақ ішуі жиілеген оны анасы маскүнемдіктен еріксіз емдететінін айтқан. Еш жерде жұмыс істемейтін жігіт, онда өзіме өзі қол саламын деп төбеге қарай жүгірген. Мұны көрген көршілері өре түрегеліп, оған жалына бастапты. Бірақ айтқанынан қайтпайтынын біліп, полиция шақырған. Тәртіп сақшылары оны ұстап, күштеп төбеден түсірді. Сосын бұл тентекке психологтардың көмегі қажет болған.
Автор: Айзат Тұрғынбекқызы
25.06.2018
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
